Thursday, October 23, 2014
Just in
Home 45 Izindaba Ngamafitshane 45 Indaba Ngamafitshane: 07/12/12

Indaba Ngamafitshane: 07/12/12

Indaba zalamhla ngamafitshane:

UMongameli Robert Mugabe uthi uzaqhubeka ebizele ukhetho ngomnyaka ozayo engagqize qhakala ngesibanga sohlelo lokubunjwa kwesisekelo sombuso esitsha ngoba bekhona abangafisi ukuthi loluhlelo luphutshwe masinyane.

Umphathintambo wogatsha lwezamanzi uSamuel Sipepa Nkomo uqhubeka ebambisa abantu bakoBulawayo ilitshe ngamanzi avela edamu leMtshabezi. Amakhansila akoBulawayo athi azaqhubeka emlandelela ngoba izithembiso zokuphutsha kohlelo lokuletha amanzi eMtshabezi koBulawayo sezinengi kodwa impumela kayibonakali.

Ibandla leMDC ekhokhelwa nguWelshman Ncube seliphike imbiko evela kuMDC-T ethi kulamalunga alo ahlukuluza uKhansila kaward 23 eNkayi emthembisa ukumbulala. Umgcinisihlalo weMDC esabelweni senhla yemaNdebeleni uJelous Sansole uthi uBrenda Mpofu obikwa ehlukuluzwa waxotsha kudala ebandleni elikhokhelwa nguNcube njalo akulamuntu ongazikhathaza ngokumlandelela.

Izakhamizi zakoBulawayo ziqhubeka zilahlela ingcekeza endaweni ezingekho emthethweni. Amakhansila alelidolobho athi sekumele kuqiniswe imikhankaso yokuhlanzeka kwalelidolobho ngoba umanisipala uthwele nzima ekubutheni ingcekeza kanye ngeviki emalokitshini. Kusenjalo ikhansili ithi kayilangcebo zokwandisa iholo lalabo abathanyela emalokitshini.

About Radio Dialogue

Leave a Reply